Clarke Quay ගිහින් තුර්කි අයිස් ක්‍රීම් කමු!

Posted: සැප්තැම්බර් 30, 2010 in කෑම බීම, ස්ථාන

 

මෙන්න Turkish Ice Cream!

මුදුනින් ලණුවක් වැනි දෙයක් එල්ලෙන උස් වටකුරු රතු පැහැති තොප්පියත්, රන්වන් පාටින් වැඩ දමන ලද අත් නැති කබායත් නිසා ඔහුගෙන් දිස්වන්නේ  යුරෝපයේ බෝල්ටික් ප්‍රදේශයේ වැසියෙකුගේ විලාශයයි. ඔහු ඉදිරියේ ඇති භාජන කීපයක සාම්ප්‍රදායික තුර්කි ක්‍රමයට නිපදවූ අයිස් ක්‍රීම් වර්ග කීපයක් ඇත. ඉදිරියෙන් ඇස්මට්ටමට ඉහළින් එල්ලෙන යුරෝපයේ කිරිදෙනුන්ගේ බෙල්ලේ පළඳින ඝාණ්ඨා කීපයක්ද වේ.

මමත් මාගේ මිතුරනුත් දැන් මේ පැමිණ සිටින්නේ ලෝකයේම ප්‍රසිද්ධ සිංගප්පූරුවේ Clarke Quay නැමති ප්‍රදේශයටයි. එළිමහන් ප්‍රදේශයේ පෙළින් පෙළට ඉතා උස්ව පුළුල්ව තනා ඇති වීදුරු ආවරණ එක වරම සිහිගන්වන්නේ දැවැන්ත කුඩ පේළියකි. රාත්‍රියේදී නෙක වර්ණ විදුළි ආලෝකයන්ගෙන් වර්ණවත් වූ විට මෙම ප්‍රදේශය දුටු දුටුවන් සිත් වශී කරගන්නා මනස්කාන්ත දර්ශනයක් මවා පායි. ඉතා මිලාධික ආපන ශාලා, රාත්‍රී සමාජශාලා, පාර දෙපස නොයෙකුත් විසිතුරු භාණ්ඩ විකිණීමට තබා ඇති සල්පිල් රාශියකින් සමන්විත මෙම ප්‍රදේශය සතියේ කිනම් දිනක වුවත් රාත්‍රියට දෙස් විදෙස් සංචරකයින්ගෙන් පිරී ඉතිරී යන්නේ මේ මනස්කාන්ත බව මොනවට පැහැදිලි කරමිනි.  ලූෂන් බුලත්සිංහල ශූරීන්ගේ “තරාවෝ ඉගිලෙති” වේදිකා නාට්‍යයේ එන “සෝබාව දේ” නම් ගීතය මෙම ප්‍රදේශයට කොතරම් ගැලපේද යත් ඉස්මතු කර පෙන්වීමට ඉතා කුඩා වෙනසක්වත් නොමැති තරම්ය.

විදුලි ආලෝකයෙන් හැඩ වුන දැවැන්ත කුඩ පේළියේ අවසානයට වන්නට පිහිටා ඇති මෙම කඩයේ අළෙවි වන්නේ සාම්ප්‍රදායික් තුර්කි ක්‍රමයට නිපදවූ අයිස් ක්‍රීම්ය. කුඩා ළමයෙක් පැමිණ සාම්ප්‍රදායික ලෙස හැඳ පැළඳගත් මේ වෙළෙන්දාගෙන් අයිස් ක්‍රීම් මිළදී ගන්නට සැරසෙයි. වෙළෙන්දා ඔහුට අයිස්ක්‍රීම් දීමට පෙර කවට කමක් කරයි. පිරිස ඉදිරියේ ළමයා සබකෝළයෙන් ඇඹරෙයි. වෙළෙන්දා තව දුරටත් ළමයා අපහසුතාවයට පත් නොකර ඔහුගේ අයිස්ක්‍රීම් එක දී පිටත් කරයි. ඊළඟට පැමිණෙන්නේ තරුණියකි. ඇය මිළදීගත් අයිස්ක්‍රීම් එක දීමට පෙර ඇයට කරන්නේ වෙනත් කවටකමකි. එය අවසාන වන්නේ ඉදිරියෙන් එල්ලා ඇති ඝාණ්ඨා කීපයක්ද නාද කිරීමෙනි.  අයිස්ක්‍රීම් මිළදීගත්තත් නොගත්තත් වෙළෙන්දා කරන කවටකම් බලාසිටීම වුවත් ප්‍රමාණවත් සෙයක් පෙන්නුම් කරමින් පිරිස මේ වෙළඳසල ඉදිරිපිට රැස්කති.

බොහෝ වේලාවක් තුර්කි අයිස් ක්‍රීම් කාරයාගේ කවටකම් නැරඹූ අප ආපසු නිවෙස් වෙත යාම සඳහා සෙමෙන් සෙමෙන් Clarke Quay MRT නැවතුම වෙත පිය මැන්නෙමු.

 

 

Advertisements

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )